សាលាបឋមសិក្សាព្រៃធំ ស្ថិតនៅឃុំសន្លុង ខេត្តកណ្តាល ទទួលបានអាគារសិក្សាមួយខ្នងដែលឧបត្ថម្ភពីអង្គការ( AAR ជប៉ុន )

ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល និងតំណាងស្ថានទូតជប៉ុនប្រចាំនៅកម្ពុជា អញ្ជើញក្នុងពិធីសម្ពោធបើកឱ្យដំណើរការនូវអាគារសិក្សា ០១ខ្នងស្មើ ០២បន្ទប់ និងបង្គន់រចនាជាសកលចំនួន ០១បន្ទប់បន្ថែមទៀត ជាការឧបត្ថម្ភរបស់សមាគមសម្រាប់ជំនួយ និងសង្គ្រោះរបស់ប្រទេសជប៉ុន (ដែលហៅកាត់ថា AAR ជប៉ុន) នៅក្នុងសាលាបឋមសិក្សាព្រៃធំ ស្ថិតនៅឃុំសន្លុង ស្រុកខ្សាច់កណ្ដាល ខេត្តកណ្តាល នៅថ្ងៃទី០៦ ខែមករា ឆ្នាំ២០២២។