នាយកសកលវិទ្យាល័យ RMUTP រៀបចំពិធីលៀងសាយភោជន៍ជូន ឯកឧត្តម ខៀវ កាញារីទ្ធ ក្នុងឱកាសដែលឯកឧត្តមរដ្ឋមន្ត្រីអញ្ជើញទៅទទួលសញ្ញាបត្របណ្ឌិតកិត្តិយស នៅទីក្រុងបាងកក

លោកបណ្ឌិត Natworapol Rachsiriwatcharabul នាយកសកលវិទ្យាល័យ រ៉ាច្ចមុងឃុន តិចណូឡូជី ប្រាណាខន (Rajamangala University of Technology Phra Nakhon – RMUTP) នៃប្រទេសថៃ រៀបចំពិធីលៀងសាយភោជន៍ជូន ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ ព្រមទាំងគណៈប្រតិភូ នៅថ្ងៃទី០៧ ខែមីនា ឆ្នាំ២០២២ នៅទីក្រុងបាងកក ប្រទេសថៃ ក្នុងឱកាសដែលឯកឧត្តមរដ្ឋមន្ត្រី អញ្ជើញទៅទទួលសញ្ញាបត្របណ្ឌិតកិត្តិយស គរុកោសល្យសារព័ត៌មាន មនុស្សសាស្រ្ត និងសង្គមសាស្រ្ត ដែលនឹងប្រទានដោយផ្ទាល់ពី ព្រះអង្គម្ចាស់ក្សត្រីយ៍ មហាចក្រី សិរិនថន នៃព្រះរាជាណាចក្រថៃឡង់ដ៍ នាព្រឹកថ្ងៃទី០៨ ខែមីនា នេះ។