រដ្ឋមន្រ្តីក្រសួងសុខាភិបាលហ្វីលីពីន លោក Francisco Duque បាននិយាយកាលពីថ្ងៃទី១៤ ខែមីនាថា រដ្ឋបាលចំណីអាហារ និងឱសថរបស់ប្រទេសហ្វីលីពីន (FDA) បានផ្តល់ការអនុញ្ញាតឱ្យប្រើប្រាស់ជាបន្ទាន់សម្រាប់វ៉ាក់សាំងជំងឺកូវីដ-១៩ ស៊ីណូវ៉ាក់ របស់ប្រទេសចិនសម្រាប់កុមារ។
លោក Duque បាននិយាយថា រដ្ឋាភិបាលនឹងប្រើប្រាស់ក្នុងពេលឆាប់ៗនេះនូវវ៉ាក់សាំងកូរ៉ូណាវ៉ាក់ របស់ក្រុមហ៊ុនស៊ីណូវ៉ាក់ ដល់កុមារដែលមានអាយុចាប់ពី ៦ឆ្នាំឡើងទៅ។
កូរ៉ូណាវ៉ាក់ គឺជាវ៉ាក់សាំងការពារជំងឺកូវីដ-១៩ ទីពីរដែលត្រូវបានអនុញ្ញាតឱ្យចាក់ទៅលើកុមារនៅក្នុងប្រទេសហ្វីលីពីន។ នៅពេលមុននេះ FDA បានអនុម័តការប្រើប្រាស់ជាបន្ទាន់នូវវ៉ាក់សាំង Pfizer សម្រាប់កុមារ។
ប្រទេសហ្វីលីពីនបានប្រើប្រាស់វ៉ាក់សាំងជំងឺកូវីដ-១៩ ជាង ១៣៨លានដូសហើយដោយគិតត្រឹមថ្ងៃទី១០ ខែមីនា។ ប្រជាជនជាង ៦៤លាននាក់បានទទួលការចាក់វ៉ាក់សាំងពីរដូស។
បច្ចុប្បន្ននេះ ប្រទេសហ្វីលីពីនមានករណីឆ្លងជំងឺកូវីដ-១៩ ជាង ៣,៦៧លាននាក់ ដោយក្នុងនោះមានករណីស្លាប់ចំនួន ៥៧ ៦១០នាក់៕
