មន្ត្រីឥណ្ឌូណេស៊ីមួយរូបបាននិយាយកាលពីថ្ងៃទី២១ ខែមីនាថា យ៉ាងហោចណាស់មានមនុស្ស ២នាក់ត្រូវបានបញ្ជាក់ថាស្លាប់ និង ២៦នាក់ផ្សេងទៀតកំពុងបាត់ខ្លួន បន្ទាប់ពីទូកនេសាទមួយដែលដឹកជនចំណាកស្រុករាប់សិបនាក់បានលិចនៅឆ្នេរសមុទ្រនៃប្រទេសឥណ្ឌូណេស៊ី។
មានពលករឥណ្ឌូណេស៊ីដែលគ្មានឯកសារចំនួន ៨៦នាក់ ដែលកំពុងស្វែងរកមធ្យោបាយចូលទៅក្នុងប្រទេសម៉ាឡេស៊ីដោយខុសច្បាប់សម្រាប់ធ្វើការងារនៅលើទូក រួមជាមួយប្រធានក្រុមម្នាក់ និងនាវិក ៣នាក់។
យោងតាមព័ត៌មានបឋមបានឱ្យដឹងថា មនុស្សពីរនាក់បានស្លាប់នៅពេលដែលទូកនោះបានលិចកាលពីថ្ងៃទី១៩ ខែមីនា។ អ្នកដំណើរដែលនៅសេសសល់ទាំងអស់ត្រូវបានជួយសង្គ្រោះ។ កងនាវាចរឥណ្ឌូណេស៊ីបាននិយាយថា ប្រធានក្រុម និងនាវិក ៣នាក់បានរួចជីវិត។
អាជ្ញាធរកំពុងបន្តស្រាវជ្រាវរកអ្នកបាត់ខ្លួន និងដើម្បីបញ្ជាក់ពីមូលហេតុនៃគ្រោះថ្នាក់នេះ៕(ប្រភព VNA បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល
