នៅក្នុងឱកាសអញ្ជើញចូលជួបសំដែងការគួរសម និងពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី២២ ខែមេសា ឆ្នាំ២០២២ លោក NUTHAPONG TEMSIRIPONG តំណាងក្រុមហ៊ុន DSC ប្រទេសថៃ ជំនាញផ្នែករៀបចំប្រពន្ធ័ផ្សាយទូរទស្សន៍ បានជម្រាបជូន ពីបច្ចេកវិទ្យាថ្មីនៃប្រពន្ធ័ LIVE-U ដែលនៅក្នុងម៉ាសុីនថ្មីនេះ អាចភ្ជាប់ជាមួយ Camera ថតវីដេអូ ផ្សារផ្ទាល់បានចំនួន ៤ គ្រឿង មានភាពងាយស្រួលក្នុងការថតយកព័ត៌មាន នៅតំបន់ចង្អៀត។
លោក NUTHAPONG ក៏បានធ្វើការពិភាក្សាលើបញ្ហារៀបចំថ្នាល TV Digital មួយ ដែលអាចអោយអ្នកមានពិការភាព ដូចជា មើលមិនឃើញ ស្តាប់មិនឮ ឬ តាមប្រភេទមួយចំនួនទៀតនៃប្រជាជន ។
ឯកឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ពីការយកចិត្តទុកដាក់លើបច្ចេកវិទ្យាប្រពន្ធ័ តិចណូឡូជី ថ្មីៗ ព្រោះសម្រាប់ត្រៀមរៀបចំថត ព្រឹត្តការណ៍កីឡាសុីហ្គេម ឆ្នាំ២០២៣ ដែលកម្ពុជា ត្រៀមរៀបចំធ្វើជាម្ចាស់ផ្ទះ ។ ដូច្នេះ ឯកឧត្តម រដ្ឋមន្ត្រី បានអោយខាងជំនាញបច្ចេកទេស ទូរទស្សន៍ជាតិកម្ពុជា ធ្វើការពិនិត្យហើយរាយការណ៍ត្រឡប់មកវិញ ពីតម្រូវការ និងកិច្ចការងារដែលត្រូវធ្វើ ។
ទន្ទឹមនេះសម្រាប់ការរៀបចំថ្នាលទូរទស្សន៍ Digital សម្រាប់ពលរដ្ឋដោយឡែកៗនេះ គឺរុងចាំធ្វើការបណ្តុះបណ្តាលធនធានមនុស្សសម្រាប់មន្រ្តីមួយចំនួនជាមុនសិន ទើបអាចធ្វើកិច្ចការងារនេះបាន ៕
