ទីភ្នាក់ងារសារព័ត៌មាន Interfax-Ukraine បានរាយការណ៍ថា ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បាននិយាយកាលពីថ្ងៃសៅរ៍ថា លោកគាំទ្រដល់ដំណោះស្រាយការទូតចំពោះជម្លោះជាមួយរុស្ស៊ី។
លោក ហ្សេលេនស្គី បាននិយាយនៅក្នុងសន្និសីទសារព័ត៌មានមួយនៅទីក្រុងគៀវថា «មានមធ្យោបាយការទូត» ដោយលោកបាននិយាយបន្ថែមថា លោកចង់បញ្ឈប់ជម្លោះ និងបញ្ចប់វា។
ក្នុងពេលជាមួយគ្នានោះដែរ លោកបានសង្កត់ធ្ងន់ថា ទីក្រុងគៀវនឹងដកខ្លួនចេញពីកិច្ចចរចាសន្តិភាពជាមួយទីក្រុងមូស្គូ ប្រសិនបើកងកម្លាំងរុស្ស៊ីសម្លាប់ជនជាតិអ៊ុយក្រែនដែលជាប់គាំងនៅក្នុងទីក្រុងម៉ារីប៉ូល ឬធ្វើប្រជាមតិក្លែងបន្លំនៅក្នុងតំបន់ដែលពួកគេកាន់កាប់ក្នុងប្រទេសអ៊ុយក្រែន៕(ប្រភព People’s Daily បកប្រែដោយលោក យា ចិន្តាខន្តី)
