ឯកឧត្តម ផុស សុវណ្ណ អនុញ្ញាតឱ្យប្រធានផ្នែកលក់ក្រុមហ៊ុនវឌ្ឍនៈប្រូវើរី និងសហការី ចូលជួបសម្តែងការគួរសម និងឧបត្ថម្ភស្រាបៀរចំនួន ៥ ០០០ កេស ជូនក្រសួងព័ត៌មាន

ឯកឧត្តម ផុស សុវណ្ណ ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋានព័ត៌មាន និងសោតទស្សន៍ អនុញ្ញាតឱ្យកញ្ញា SAR Phary ប្រធានផ្នែកលក់ក្រុមហ៊ុនវឌ្ឍនៈប្រូវើរី និងសហការី ចូលជួបសម្តែងការគួរសម និងឧបត្ថម្ភស្រាបៀរចំនួន ៥ ០០០ កេស ក្នុងនោះស្រាបៀរគ្រុឌចំនួន ៤ ៥០០ កេស និងស្រាបៀរវឌ្ឍនៈចំនួន ៥០០ កេស ជូនក្រសួងព័ត៌មាន ដើម្បីចែកជូនទៅឃុំទាំង០៨ ក្នុងស្រុកកោះសូទិន ខេត្តកំពង់ចាម នាព្រឹកថ្ងៃទី២៩ ខែមិថុនា ឆ្នាំ២០២២ នៅទីស្តីការក្រសួង រាជធានីភ្នំពេញ។