ថ្ងៃពុធទី៣១ខែសីហាឆ្នាំ២០២២
កំពត៖បើតាមប្រភពពីប្រជាពលរដ្ឋរស់នៅក្នុង ឃុំសុភី ស្រុកកំពង់ត្រាចបានបង្ហើបអោយដឹងថា ម្ចាស់ផ្ទះឈ្មោះ គីម សាឡី លក់អីវ៉ាន់ចាប់ហួយនៅផ្លូវជាតិលេខ៣១ បានបង្កប់ល្បែងសុីសងខុសច្បាប់បញ្ជល់មាន់អនឡាញតាមកញ្ចក់ទូរទស្សន៍ អោយភ្ញៀវចូលលេងបានយ៉ាងរំភើយ មិនឃើញមានសមត្ថកិច្ចណាចុះបង្រ្កាបឡើយ។
ប្រភពដដែលបន្តថា«ល្បែងស៊ីសងគ្រប់ប្រភេទ ជាឫសគល់នៃបទល្មើសចោរកម្ម លួច ឆក់ ប្លន់ និង កេីត ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គមក៏ដូចក្នុងមូលដ្ឋានផងដែរ»។
ជុំវិញករណីល្បែងសុីសងខុសច្បាប់ខាងលើបងប្អូនប្រជាពលរដ្ឋសូមសំណូមពរដល់លោក វរសេនីយ៍ឯក សេង សុគន្ធចាត់ អធិការស្រុកកំពង់ត្រាចនឹងលោក ឧត្ដមសេនីយ៍ទោ ម៉ៅ ចន្ទ័មធុរិទ្ធ ស្នងការខេត្តកំពត មេត្តាចាត់កម្លាំងជំនាញ ចុះបង្ក្រាបទីតាំងល្បែងសុីសងខុសច្បាប់ប្រជល់មាន់អនឡាញខាងលើនេះ ដើម្បីឲ្យស្របតាម គោលនយោបាយភូមិ ឃុំ សង្កាត់មានសុវត្ថិភាព ទាំង៧ចំណុចរបស់រាជរដ្ឋាភិបាល ដាក់ចុះអោយក្រសួងមហាផ្ទៃអនុវត្ត និងជួយមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ.ឃុំ.សង្កាត់ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋានរបស់ខ្លួន ដោយសេរីបែបនេះ?៕(នៅមានត)
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តែប៉ុណ្ណោះ សូមអរគុណ!!!
