សិស្សជាង២០០នាក់កំពង់សិក្សានៅសាលាមានតែតំបូល ហើយត្រូវចែកវេនគ្នារៀនការសិក្សារបស់សិស្សានុសិស្ស ប្អូនៗកុមារា កុមារី តាមទីជនបទបណ្តាភូមិ ឃុំ ស្រុក ខេត្ត ឆ្ងាយនានា តែងតែជួបផលលំបាកក្នុងការសិក្សា។
ជាក់ស្តែង សាលារៀនក្នុងទីអារាមមួយកន្លែង ក្នុងវត្តគិរីរតនារាម ហៅវត្តត្រពាំងក្រហម ស្ថិតនៅភូមិ១ ឃុំត្រពាំងក្រហម ស្រុកកូនមុំ ខេត្តរតនគិរី យើងសង្កេតឃើញថាមានសភាពគួរឱ្យសង្វេគជាពន់ពេកមានតែតំបូល គ្មានជញ្ជាំង ខណៈមាន ភ្លៀង ឫខ្យល់កន្ត្រាក់ម្តងៗប្អូនៗកុមារា កុមារី សិស្សានុសិស្ស ត្រូវបានផ្អាកការសិក្សាជាបណ្តោះអាសន្ន។
ទោះបីមានការខ្វះខាតយ៉ាងនេះក្តី ក៏ព្រះគ្រូ សេង ប៊ុនធឿន ព្រះចៅអធិការវត្ត គង់នៅទីនោះតែងប្រឹងប្រែងជួយបង្រៀនផ្តល់ចំណេះដឹងទាំងផ្នែកពុទ្ធចក្រ និងអណាចក្រដល់កូនចៅ សិស្សនុសិស្ស បានគ្រប់ៗគ្នា។
ជាចុងក្រោយ ព្រះគ្រូធម្មជោតិបណ្ឌិតោ សេង ប៊ុនធឿន សូមអំពាវនាវដល់បងប្អូនប្រជាពលរដ្ឋ សប្បុរសជនទាំងក្នុង និងក្រៅប្រទេស មេត្តាចូលរួមចែករំលែកជាគ្រឿងសំភារៈសិក្សា បច្ច័យ ដើម្បីកសាងអភិវឌ្ឍន៍សាលារៀនឱ្យកាន់តែប្រសើរ ដើម្បីផ្តល់ចំណេះដឹងដល់យុវជនទំពាំងស្នងឫស្សីរបស់ប្រទេសជាតិយើងនាថ្ងៃអនាគត៕
លេខទូរស័ព្ទផ្ទាល់ព្រះអង្គមានពីរខ្សែ៖
012 222 636
088 3355558
