­#ក្តីទន្ទឹងរងចាំរបស់បងប្អូនប្រជាពលរដ្ឋកាន់តែខិតជិតចូលមកដល់ហើយ..

ខណ្ឌព្រែកព្នៅ.
នាព្រឹកថ្ងៃព្រហស្បត្តិ៍ទី៧ខែធ្នូ ឆ្នាំ២០២៣
…លោក ស៊ូ ស៊ីវត្ថា ប្រធានការិយាលយ័ដែនដី ភូមិបាលខណ្ឌព្រែកព្នៅ បានដឹកនាំក្រុមការងារមន្ត្រី ការិយាភូមិបាលខណ្ឌ លោកចៅសង្កាត់ លោកប្រធានភូមិ ព្រមទាំងបងប្អូនប្រជាពលរដ្ឋជាច្រើននាក់ បានចូលរួមក្នុងកម្មពិធី (បិទផ្សាយជាសារធារណះនូវឯកសារនៃការវិនិច្ឆយ័ដីធ្លី ដែលមានលក្ខណះជាប្រពន្ធ័)ដែលស្ថិតក្នុង សង្កាត់ពញាពន់ ខណ្ឌព្រែកព្នៅ។
…លោក ស៊ូ ស៊ីវត្ថា បានអោយដឹងថា ក្នុងនាមលោកជាប្រធានមន្ទីរការិយាល័យដែនដីភូមិបាលខណ្ឌ លោកបានបញ្ជាដល់ក្រុមការងារធ្វើយ៉ាងណា ខិតខំព្យាយាមពន្លឿនដាក់ផែនការរៀបចំឯកសារ ជូនបងប្អូនគ្រប់ទីកន្លែងនៃខណ្ឌព្រែកព្នៅទាំងមូល.ចំពោះបងប្អូនប្រជាពលរដ្ឋទាំងឡាយណាដែល ទើបនិងទិញដូរដីធ្លី ពីក្រុមហ៊ុនដែលស្របច្បាប់ មានឯកសារគ្រប់គ្រាន់ ត្រឹមត្រូវ ប៉ុន្តែមិនទាន់បានចុះបញ្ជីក្បាលដី លោកសុំអញ្ជើញបងប្អូនមក កាន់មន្ទីរការិយាលយ័របស់លោក ដើម្បីអោយក្រុមការងាររបស់លោកចុះវាស់វែង កំណត់ព្រំ និងរៀបចំបំពេញឯកសារជូន  និងជៀសវាងបំផុតការផ្ញើរឯកសារតាមរយះបុគ្គលផ្សេងៗជានាក់រត់ឯកសារជូន.ចំពោះការបិទផ្សាយវិនិច្ឆយ័ដីធ្លីដែលមានលក្ខណះជាប្រពន្ធ័នេះ លោកបានចាត់តាំងក្រុមការងាររបស់លោកធ្វើការសម្របសម្រួលជូនបងប្អូន ដោយទុកពេលចំនួន១៥ថ្ងៃ ធ្វើការទាំងថ្ងៃសៅរ៍ និងថ្ងៃអាទិត្យ ដើម្បីអោយបងប្អូនទាំងអស់គ្នាអញ្ធើញមកត្រួតពិនិត្យ ផ្ទៀងផ្ទាត់ អោយបានសប់ជ្រុងជ្រោយ ដូចជាឈ្មោះនាមត្រកូល ថ្ងៃខែឆ្នាំកំណើត ប្រភេទដី ឬផែនទី ទ្រព្យ ។ល។ដើម្បីការពារបងប្អូនមានការឈ្លោះប្រកែកនៅថ្ងៃខាងមុខ។
…បន្ទាប់ពីមានការពន្យល់ណែនាំរបស់លោក ស៊ូ ស៊ីវត្ថា ចប់រួចមកលោកក៏បានសំណូមពរ ដល់លោកចៅសង្កាត់ ទាក់ទង សុំជួយផ្តល់ពត៍មានដល់បងប្អូន ដែលមានឈ្មោះក្នុងបញ្ជីរាយនាម ខាងលើ សុំមកពិនិត្យឈ្មោះអោយបានគ្រប់ៗគ្នា។
នារសៀលថ្ងៃដដែលលោក ស៊ូ ស៊ីវត្ថា ក៏បានបន្តដំណើរទៅចូលរួមកម្មវិធីបិទប្រកាសផ្សព្វផ្សាយ វិនិច្ឆយ័ដីធ្លីមួយកន្លែងទៀតដែលប្រព្រត្តិនៅឯ ភូមិតាតន់ ភូមិក្រាំងពោធិ៍ ឃុំអូរ ស្រុកភ្នំស្រួច ខេត្តកំពុងស្ពឺ ។ដោយមានការចូលរួមពីបងប្អូនប្រជាពលរដ្ឋជាច្រើននាក់ប្រកបដោយទឹកមុ­ខសប្បាយរីករាយនិងមានការពេញចិត្តជាខ្លាំងក្រៃលែង។