ខណ្ឌព្រែកព្នៅ៖ដោយទទួលបានសេចក្តីទុកចិត្ត ពីសំណាក់ឯកឧត្តម ឃួង ស្រេង អភិបាលរាជធានីភ្នំពេញ និងដោយមានការយកទុកដាក់ពី លោក ធឹម សំអាន អភិបាលនៃគណៈអភិបាលខណ្ឌ ព្រែកព្នៅ លើការចុះជួយដោះស្រាយរាល់សុខទុក្ខដល់បងប្អូនប្រជាពលរដ្ជ គ្រប់បណ្តាភូមិសង្កាត់ទាំងអស់ នៅក្នុងមូលដ្ឋាន
នាព្រឹកថ្ងៃសៅរ៍ទី២២ខែមិថុនាឆ្នាំ២០២៤
ខណ្ឌព្រែកព្នៅ:
លោកស្រី មុំ ចន្ទដានី ប្រធានក្រុមការងារចុះជួយសង្កាត់ គោករកា ខណ្ឌព្រែកព្នៅ ព្រមទាំងលោក សន ស៊ិន ចៅសង្កាត់គោករកា និងបងៗមន្ត្រីក្រោមឱវាទ ក៏បាននាំគ្នា ត្រួតពិនិត្យ បញ្ជីឈ្មោះបងប្អូនប្រជាពលរដ្ឋ ដែលត្រូវអញ្ជើញមកទទួល បណ្ណ័ជនក្រីក្រ ដើម្បីអោយបងប្អូនយកទៅប្រើប្រាស់នាពេល បន្ទាប់ខាងមុខ។ បន្ទាប់ពីបានពិនិត្យចប់សប់គ្រប់ រួចមកលោកស្រី មុំ ចន្ទដានី លោក សន ស៊ិន ចៅសង្កាត់គោករកា លោកប្រធានភូមិ ក៏បានបន្តដំណើរចុះទៅសាកសួរសុខទុក្ខ សំណេះសំណាល ជាមួយបងប្អូនប្រជាពលរដ្ឋដែលរស់នៅក្នុងតំបន់ សហគមន៍អណ្តូងទី៦ ដែលមានបងប្អូនប្រជាពលរដ្ឋរស់នៅក្នុងតំបន់នេះប្រមាណជាង(៣០០គ្រួសារ) ដែលបងប្អូនប្រជាពលរដ្ឋ រស់នៅក្នុងសហគមន៍នោះកំពុងតែនាំគ្នា រៀនអំពីការ គុណប្រយោជន៍ នៃការបំបៅកូន អាហាររូបបឋម អនាម័យបរិស្ថាន ស្អាត ជាពិសេសលោកស្រី និងលោក ចៅសង្កាត់ ក៏បានពិភាក្សាគ្នា រកវិធីដោះស្រាយ នៅការរៀបចំដាក់ប្រព័ន្ធលូ ធ្វើយ៉ាងណា អោយហូរបានទៅលឿន កុំអោយស្ទះលិចដល់បងប្អូនប្រជាពលរដ្ឋ។ បន្ទាប់ពីបានចុះត្រួតពិនិត្យនិងសាកសួរសុខទុក្ខ ជាមួយបងប្អូនប្រជាពលរដ្ឋនៅ ក្នុងសហគមន៍អណ្តូងទី៦រួចមក លោកស្រីព្រមទាំងលោកចៅសង្កាត់ លោកប្រធានភូមិ ក៏បានបន្ត ដំណើរទៅកាន់ សហគមន៍អណ្តូងទី៣និងទី៥ ដើម្បីចង់ដឹងពីស្ថានភាពពិត ក្នុងការរស់នៅរបស់បងប្អូនប្រជាពលរដ្ឋ និងរៀបចំគម្រោងរៀបចំប្រព័ន្ធលូ ប្រព័ន្ធប្រឡាយទឹក ផ្លូវធ្វើដំណើរ ជូនដល់បងប្អូនប្រជាពលរដ្ឋដែលរស់នៅក្នុងតំបន់នោះប្រមាណជាង(២០០០គ្រួសារ)។
ដោយឡែក លោក ស្រេង វណ្ណៈ អនុប្រធានក្រុមការងារចុះជួយសង្កាត់គោករកា លោកនៅតែបន្ត បញ្ជាគ្រឿងចក្រ រថយន្តដឹកថ្ម មកកិន បង្ហាប់អោយរាបស្មើ ដើម្បីអោយបងប្អូនប្រជាពលរដ្ឋ ងាយស្រួលធ្វើដំណើរ ហើយលោកក៏បន្តដើរមើលស្ថានភាពផ្លូវ ក្នុងភូមិសាស្ត្រនៃសង្កាត់គោរកា ងាយស្រួលដល់លោកស្នើសុំទៅថ្នាក់លើ ចុះមកជួសជុល អោយបានល្អស្អាតគ្រប់ទីកន្លែង៕
