ក្រុមការងារ បណ្តាញយុវជនក្នុងវិស័យព័ត៌មាន (ប.យ.ព.) បានសហការជាមួយ សមាគមសម្ព័ន្ធយុវជនដើម្បីសន្តិភាព (សស.យស) លើការបណ្តុះបណ្តាលណែនាំបែបបទអំពីឯកសារ នៃការស្នើសុំចុះឈ្មោះធ្វើជាអ្នកផ្សព្វផ្សាយព័ត៌មាន ដើម្បីទទួលបានវគ្គបណ្តុះបណ្តាលផ្សេងៗ ដែលរៀបចំឡើងដោយ សស.យស. និង ប.យ.ព. ដែល៖
១. ជំរុញឱ្យអ្នកផ្សព្វផ្សាយព័ត៌មានយល់ដឹងពីគុណតម្លៃចូលជាប.យ.ព.
២. ផ្តល់ឱកាសចូលសិក្ខាសាលា និងវគ្គបណ្តុះបណ្តាលជំនាញ វិជ្ជាជីវៈអ្នកសារព័ត៌មាន
៣. ធានាឲ្យ ប.យ.ព. ទទួលបានការយកចិត្តទុកដាក់ពីថ្នាក់ដឹកនាំ
៤. អភិវឌ្ឍន៍សមត្ថភាពជំនាញឲ្យកាន់តែលេធ្លោទៅមុខជានិច្ច
៥. ផ្តល់នូវសេចក្តីណែនាំពី ក្រមសីលធម៌វិជ្ជាជីវៈអ្នកសារព័ត៌មាន
៦. ធានាឲ្យមានវគ្គបណ្តុះបណ្តាលដ៏មានប្រសិទ្ធភាពបំផុត
៧. អភិវឌ្ឍន៍យុវជនឲ្យមានបុគ្គលិកលក្ខណៈពេញលេញ
៨. សម្របសម្រួលឲ្យមានកិច្ចសហប្រតិបត្តិការល្អ នៅក្នុងក្រសួងព័ត៌មាន ឬស្ថាប័នដែលពាក់ព័ន្ធ។
ក្នុងឱកាសនោះដែរ ក្រោមកិច្ចសហការជាមួយទីភ្នាក់ងារក្រសួងការងារ និងបណ្តុះបណ្តាលវិជ្ជាជីវៈ បានផ្សព្វផ្សាយ និងតម្រែតម្រង់ទិសដល់បងប្អូនប្រជាពលរដ្ឋ និងយុវជន ដែលមានបំណងកម្មសិក្សាការងារនៅក្រៅប្រទេស យ៉ាងផុសផុល។
