ខេត្តកណ្តាល៖នារសៀលថ្ងៃ១៥កើត ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃព្រហស្បតិ៍ ទី២១ ខែតុលា ឆ្នាំ២០២១
។
ថ្លែងនៅក្នុងកិច្ចប្រជុំជាមួយអាជីវកម្មទាំង២២ ដេប៉ូ ដែលដឹកជញ្ជូនខ្សាច់ ក្រួស និង ថ្ម នៅក្នុងក្រុងតាខ្មៅ លោក ណុប តារ៉ា អភិបាលរងខេត្តកណ្ដាល បានធ្វើការណែនាំដល់ម្ចាស់អាជីវកម្ម រកស៊ីដឹកជញ្ជូន ខ្សាច់ ក្រួស និងថ្ម ដែលមិនគោរពតាមកិច្ចសន្យា និងច្បាប់ពាក់ព័ន្ធនានា ជាពិសេសម្ចាស់អាជីវកម្មដែលកំពុងធ្វើអាជីវកម្មដោយគ្មានអាជ្ញាប័ណ្ណត្រឹមត្រូវ អាចប្រឈមនិងការបិទអាជីវកម្មតែម្តង
។
ក្នុងកិច្ចប្រជុំនេះ លោក ណុប ដារ៉ា មានប្រសាសន៍ដែរថា កិច្ចប្រជុំនេះគឺមាន គោលបំណង ឱ្យ ម្ចាស់ យានយន្ត ម្ចាស់អាជីវកម្មដឹកថ្ម ខ្សាច់ និងក្រួស នៅ ទូទាំងក្រុងតាខ្មៅត្រូវចូលរួម គោរព តាម បទដ្ឋាន ប ច្ចក ទេស ស្ដីពីការដឹកជញ្ជូនដើម្បី បញ្ចៀស ឱ្យ បាន នូវ ការដឹក លើស ទម្ងន់ដែល នាំ ឱ្យ ផ្លូវថ្នល់ ឆាប់ ខូច កាត់បន្ថយ គ្រោះថ្នាក់ ចរាចរណ៍ និងចៀសវាងបង្កបញ្ហាផ្សេង ៗ ដែលជាកង្វល់ដល់សាធារណជន ប៉ះពាល់បរិស្ថានដែលបណ្តាលមកពីការកកស្ទះ និងខូចខាតផ្លូវដោយសាររថយន្តដឹកខ្សាច់ ដឹកថ្ម និងដឹកក្រួស ទាំងនោះ
។
លោក អភិបាលរងខេត្ត បានណែនាំដល់ម្ចាស់អាជីវកម្មដឹកថ្ម ដឹកខ្សាច់ និងដឹកក្រួសទាំងអស់ ត្រូវត្រួតពិនិត្យលើការដឹកជញ្ជូន ត្រូវធ្វើយ៉ាងណាឱ្យស្របច្បាប់ គោរពឱ្យបានតាមកិច្ចសន្យាម្ចាស់អាជីវកម្ម ត្រូវមានអាជ្ញាប័ណ្ណត្រឹមត្រូវ គោរពតាមច្បាប់ និងកិច្ចសន្យាស្តាប់ការណែនាំរបស់អាជ្ញាធរ ។ រាល់ការដឹកជញ្ជូនខ្សាច់ ក្រួស និងថ្ម ម្ចាស់អាជីវកម្មត្រូវណែនាំដល់អ្នកដឹកត្រូវលាងសម្អាតកង់រថយន្ត ឱ្យបានស្អាតពេលចេញពីដេប៉ូ ត្រូវគ្របឱ្យបានជិតល្អ កុំដឹកលើសទម្ងន់ បើកបរដោយក្រមសីលធម៌ ត្រូវលាងសម្អាតផ្លូវដែលប្រឡាក់ឱ្យបានស្អាត
។
លោក ណុប ដារ៉ា បានស្នើដល់កម្លាំងមានសមត្ថកិច្ច ត្រូវកំណត់អត្តសញ្ញាណអ្នកបើករថយន្តដឹកខ្សាច់ ដឹកដីឱ្យបានច្បាស់លាស់ស្របតាមច្បាប់ និងត្រូវត្រួតពិនិត្យរកសារធាតុញៀនផងដែរ។ ចំពោះរថយន្តអាជីវកម្មទាំងនោះ បើមិនបានគោរពទៅតាមការណែនាំទេសមត្ថកិច្ច និងមន្ត្រី ជំនាញត្រូវសហការដើម្បីចាប់រថយន្តទាំងនោះ យកមកផាកពិន័យទៅតាមផ្លូវច្បាប់៕ 
