ខេត្តតាកែវ៖នាព្រឹកថ្ងៃសុក្រ១រោច ខែអស្សុជ ឆ្នាំឆ្លូវ ត្រីសក័ ពុទ្ធសករាជ ២៥៦៥ ត្រូវនឹងថ្ងៃទី២២ ខែតុលាឆ្នាំ ២០២១
។
រឿងរ៉ាវ ហួសចិត្ត នឹកស្មានមិនដល់! បានកើតឡើង រវាងក្រុមហ៊ុន នឹងក្រុមហ៊ុន នៅក្នុងសាលាឃុំត្រាំកក់ ស្ថិតនៅស្រុកត្រាំកក់ ខេត្តតាកែវ ខណៈពេលដែល សាលាឃុំ កំពុងតែធ្វើការដេញថ្លៃគម្រោង ធ្វើផ្លូវនៅក្នុងឃុំ កើតមានករណី ហិង្សា វាយគ្នាទៅវិញទៅមក
។
បើតាមសំដី បុរសម្នាក់ ដែលជាជនរងគ្រោះ ហើយ ជាតំណាងក្រុមហ៊ុនមួយ មកពីខេត្តព្រៃវែង បានឲ្យដឹងថាខ្លួន ត្រូវបានអ្នកដេញថ្លៃម្នាក់ទៀត នៅខេត្តតាកែវ វាយចំកណ្តាលមុខ ខណៈពេលគាត់កំពុងតែអង្គុយរៀបឯកសារ ដាក់សំណើរ ចូលប្រអប់ដេញថ្លៃ ក្នុងសាលាឃុំ
។
បុរសដដែល បន្តថា ក្រោយកើតហេតុ ខ្លួនបានទៅដាក់ពាក្យបណ្តឹង នៅប៉ុស្តិ៍នគរបាល ដើម្បីអោយ សមត្ថកិច្ច ជួយរកយុត្តិធម៌អោយខ្លួន
។
ចំណែកឯ ក្រុមការងារលទ្ធកម្មខេត្ត នឹងក្រុមការងារលទ្ធកម្មឃុំ ត្រាំកក់ ដែលមានតួនាទី នឹងភារកិច្ច ក្នុងការទទួល នឹងបើកសំណើរ ដេញថ្លៃមូលនិធិឃុំពេលនោះ មិនបានបើក ស្រោមសំបុត្រ ដើម្បីពិនិត្យមើល ឬ ប្រកាសលទ្ធផលនោះទេ ដោយបានលើកពេលទៅថ្ងៃក្រោយ បន្ទាប់ទៀត។ ដោយសារតែមាន ក្រុមហ៊ុន មួយអុកឡុក ក្នុងពេលដែលកំពុងធ្វើការ ដេញថ្លៃគម្រោង
។
សូមជម្រាបថា ជានិច្ចជាកាល រាល់ការដេញថ្លៃគម្រោងធ្វើផ្លូវ របស់មូលនិធិឃុំ ក្នុងខេត្តតាកែវ គេសង្កេតឃើញថា មានក្រុមហ៊ុន ជាច្រើន បានទៅចូលរួម ប៉ុន្តែពេលចូលដេញថ្លៃ ភាគច្រើន គឺមានតែ ៣ ឬក៍៤ ក្រុមហ៊ុន តែប៉ុណ្ណោះ ដែលបានដាក់សំណើរ ដេញថ្លៃ រីឯក្រុមហ៊ុនជាច្រើន ដែលមកនោះ គឺមិនមែន មកយកគម្រោងទេ គឺគេមកចាំយកលុយថ្លៃទឹកតែតែប៉ុណ្ណោះ បើក្រុមហ៊ុនណា ចង់បានគម្រោង គឺត្រូវដើរបញ្ចុះបញ្ចូលក្រុមហ៊ុន នឹងចរចារលុយទឹកតែ ជាថ្នូរនឹងការមិនអោយក្រុមហ៊ុនផ្សេង ចូលទៅដាក់សំណើរក្នុងសាលាឃុំ
។
ប្រភព ពីទីតាំងកើតហេតុថា បង្ហើបប្រាប់ថា ករណីហិង្សាខាងលើ គេសង្ស័យថា ប្រហែលអាចមកពីការ ចចារ សម្របសម្រួលគ្នា រឿងថ្លៃលុយទឹកតែ មិនត្រូវ ទើបកើតមានជម្លោះហិង្សា ក្នុងសាលាឃុំ បែបនេះ
។
សង្ឃឹមថា លោកអភិបាលស្រុកត្រាំកក់ អាជ្ញាធរ សតមត្ថកិច្ចពាក់ព័ន្ធទាំងអស់ ជាពិសេស ឯកឧត្តម អ៊ូច ភា អភិបាលខេត្តតាកែវ មេត្តាជួយពិនិត្យរឿងនេះផង បើបណ្តែតបណ្តោយទៀត ហាក់ដូចជាប្រទេស មួយគ្មានច្បាប់ទម្លាប់អីចឹង៕
ប្រភពព័ត៌បឋម
