ខេត្តកំពង់ចាម៖ នៅព្រឹកថ្ងៃព្រហស្បតិ៍ ៦រោច ខែកត្ដិក ឆ្នាំឆ្លូវ ត្រីសក័ ពុទ្ធសករាជ ២៥៦៥ ត្រូវនឹងថ្ងៃទី២៥ ខែវិច្ឆិកា ឆ្នាំ២០២១
។
លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ មានថវិកា និងគ្រឿងឧបភោគ បរិភោគ មួយចំនួន ឧបត្ថម្ភ ដល់កម្លាំង ជំនាញផែនការងារនគរបាលព្រហ្មទណ្ឌ ជាការលើកទឹកចិត្ត ដែលកម្លាំងបានខិតខំ បើកកិច្ចប្រតិបត្តិការស្រាវជ្រាវរកមុខសញ្ញា ដែលបានគេចខ្លួន ក្នុងករណី (រំលោភសម្លាប់)
។
សូមជម្រាបថា ករណីរំលោភសម្លាប់នេះ បានប្រព្រឹត្តនៅចំណុចចំការពោត ភូមិ១១ ឃុំចំការអណ្តូង ស្រុកចំការលើ ខេត្តកំពង់ចាម រហូតឈានដល់ការឃាត់ខ្លួនជនសង្ស័យមានឈ្មោះ ម៉ាប់ កំសត់ ហៅអាលាន ភេទប្រុស អាយុ១៦ឆ្នាំនៅថ្ងៃទី២២ ខែវិច្ឆិកា ឆ្នាំ២០២១ វេលាម៉ោង ១៤និង១៥នាទីរសៀល នៅចំណុចក្នុងព្រៃចំការក្រោយវត្ត មណ្ឌលវិប្បសនា ភូមិប៉ាង ឃុំជនាង ស្រុកតាំងគោក ខេត្តកំពង់ធំ។
អំណោយរួមមាន ៖ ថវិកា ចំនួន ៨០ម៉ឺន រៀល , អង្ករ ១បេ, មី២កេស, ម៉ាស៤ប្រអប់, ទឹកក្រូច២កេស និងទឹកសុទ្ធ២កេស សរុប ជា ថវិកា ១,១៦៨,០០០រៀល៕
